Wanawake wilayani Ulanga wameshauriwa kuhudhuria mafunzo yanayotolewa ili kufahamu haki zao za Ardhi

Imetumwa: August 30th, 2018

ULANGA

NA FATUMA MTEMANGANI

Wanawake  wa wilaya ya ulanga mkoa morogoro wameshauriwa kuudhuria mafunzo mbalimbali yanatolewa na chama cha Wanasheria Wanawake Tanzania Tawla ili waweze kufahamu haki zao hasa za umiliki wa Aridhi na Mirathi

Kauli hiyo imetolewa na mmoja wa wanasheria wanawake  bi Maria Mruma wakati akizunguza na viongozi wa Jukwaa la Wanawake kutoka kata mbalimbali walioudhuria katika mafunzo hayo  lengo likiwa ni kuwajengea uwezo wa kutambua haki zao.

Hapo awali Wanawake walikuwa hawana uelewa wa kutosha juu ya umiliki wa Ardhi na badala yake Wanaume ndiyo walikua wakiandika majina yaoa wanapokwenda kulipia Ardhi, hivyo Halmasahuri kwa kushirikiana na chama cha Wanasheria cha Wanawake TAWLA wamekuwa wakiwajengea uwezo mara kwa mara kwa kuwapatia mafunzo ili waweze kujua haki ya kupata Ardhi,kutumia Ardhi,kumilik Ardhii, na kuuza Ardhi.

Kwa upande wake mwenyekiti wa jukwaa la wanawake mkoa wa morogoro bi amina Seifu  Mgerwa ndiyo mgeni rasmi katika mafunzo hayo amesema kua elimu iliyotolewa na TAWLA inawasaidia Wanawake kujua namna ya kupata haki zao  katika suala zima la kumiliki Aridhi,Sheria ya ndoa na haki nyingine ambazo hawazifahamu ili kuondoa dhana ya kujiona wananyanyasika.

Aidha baadhi ya washiriki katika mafunzo hayo Bi Habiba Njaa pamoja na Bi Rehema  Athumani  wamewashukuru TAWLA kwa mafunzo wanayotoa na kuwaomba kuendelea kupeleka elimu hiyo katika vijiji vyote Wilayani Ulanga ili kuwasaidia Wanawake ambao hajatambua haki zao waweze kuzielewa kwani itapunguza malalamiko yanayotokana na uelewa mdogo wa sheria miongoni mwao.