Ujenzi wa Miundo Mbinu ya Barabara Katika Kijiji cha Vigoi

Imetumwa: January 24th, 2018

ULANGA

Na Fatuma Mtemangani

Mkurugenzi Mtendaji wa Halmashauri ya wilayani Ulanga Mkoani Morogoro ndugu Yusuf Daud Semuguruka amewataka wakazi wa kijiji cha vigoi kuwa na subira wakati serikali inatekeleza ujenzi wa miundo mbinu ya bara bara ili ipitike kwaurahisi hasa kwa kipindi hiki cha mvua za masika.

Akizungumzia changamoto ya miundo mbinu hiyo Mkurugenzi amesema kua tatizo la miundo mbinu ya barabara tayari ameifanyia kazi hivyo amewaomba wananchi  kuwa na uvumilivu katika kipindi hiki wakati serikali inafanya jitihada ya kutatua changamoto hiyo.

Hata hivyo ameongeza kua wananchi wanapata shida kupita katika barabara hizo kutokana na tope zilizo sababishwa na vifusi walivyo weka bila kusambazwa lakini kwa sasa tayari jitihada za kusambaza vifusi hivyo imeanza kufanywa na mkandarasi.

Ndugu Semuguruka amesema kua halmashauli  imeanza kuweka  vifusi katika barabara hizo  hali itakayopelekea kupitika kwa urahisi kwa barabara hizo katika kipindi cha masika na kiangazi.