Mkurugenzi wa halmashauri ya wilaya ya Ulanga awataka madiwani kutokuwakingia vifua watumishi wasio waadilifu

Imetumwa: September 12th, 2019

Na . Yuster Sengo

Mkurugenzi mtendaji wa halmashauri ya wilaya ya ulanga ndugu, Jonas  Mallosa amewataka madiwani kuwa wajibisha watumishi  wasiowajibika katika majukumu yao ili kurejesha nidhamu ya kazi katika halmashauri  .

Akizungumza katika kikao cha baraza la taarifa cha halmashauri ya wilaya ya ulanga, Mallosa  amesema kuwa ni vyema madiwani kuwashauri watumishi pamoja  watendaji wa vijiji  kuwajibika katika kazi na kuwatahadhalisha  watumishi wote wasio wajibika kuondolewa kazini.

“Waheshimiwa tuache tabia ya kuwakingia kifua watumishi wazembe na badala yake tuwashauri kufanya kazi kwa weledi na kujituma kwa ustawi wa halmashauri yetu”amesema Mallosa

Aidha  amewataka madiwani kuwasimamia  pasipo kuogopa lawama  hali inayopelekea kuvunjika kwa miiko ya utumishi wa uma na kujikuta wakikubaliana na mambo yanayoweza kuharibu utaratibu wa kazi.

“Kwenye utendaji lawama haziwezi kuepukika, tusiogope lawama kama kile kinachofanyika kiko sahihi kwa mujibu wa sheria na utaratibu,hivyo niwasihi madiwani tuwalee hawa watumishi lakini wanapo enda tofauti tuwaonye pia “ameongeza mallosa

Hatahivyo ametoa rai kwa madiwani hao kuondoka katika mambo yanayoweza kuathiri utendaji wao wa kazi kwa badala yake kufanyakazi kwa kufuata sheria na utaratibu unaotakiwa.