Elimu juu ya ufuatiliaji wa matumizi ya rasilimali

Imetumwa: September 6th, 2018

Na   Alanus Matambalira

Taasisi ya kijogoo group community wilayani ulanga mkoani morogoro imefanikiwa kutoa  elimu  juu ya ufuatiliaji wa matumizi ya  rasilimali za uma  katika vijiji  zaidi ya 12 hadi sasa .

Katika utoaji wa elimu hiyo  pia  imehudhuriwa na viongozi mbalimbali ngazi ya vijiji pamoja na  waratibu wa elimu  ngazi ya kata  ambao wote kwa pamoja wameishukuru taasis hiyo  kwa elimu wanayoitoa kwa jamii  kwa kuwajengea uwezo  wa kuhoji mambo mbalimbali  katika jamii zao

 akizungumza katika mkutano wa dharura uliofanyika katika kijiji cha chikuti, msogezi  , makanga , kisewe,  msogezi  isaka na mdindo mwezeshaji wa mafunzo hayo Bwana Angelus Runji    amesema kuwa taasis hiyo ni taasisi ya kijamiii  na haifungamani  wala kuwa na itikadi na siasa, ambapo pia ameongeza kuwa  swala la mwananchi kufahamu  mambo mbalimbali ya nayoendelea katika jamii yake ni haki yake  ikiwemo taarifa ya mapato na matumizi.

Aidha  Bwana Runji  amefafanua kuwa toka mwaka 2017 taasisi ya kijogoo groop  imekuwa ikitoa elimu hasa katika maeneo  makuu matatu  ndani

 ya utawala bora ambapo  swala la utawala bora  ameitolea mfano nchi ya tanzania   kuwa   na misingi  ya kidemokrasia  huku akionya kuwa  taasisi hiyo  haifungamani wala kuwa na itikadi na siasa .

           “tunapozungumzia swala la rasilimali za uma ni  sio rasilimali ya mimi kama kiongozi  sio rasilimali ya yule kama  mwananchi , ni rasimali za sisi sote  hiyo ndiyo rasilimali ya umma   alisema mwezeshaji huyo wa mafunzo”

Hata hivyo mkurugenzi wa jkijogoo groop Bwana Ramadhani Omari  amesema kuwa  wao kama taasisi  wanahusika  kuwahamasissha  wananchi  na jamii kwa ujumla   kufuatilia mambo malimbalimbali  kwa kuhoji na kuchukua hatua  juu ya rasilimali  za umma.

Bw  Ramadhani amezitaja rasilimali za umma  kuwa ni  rasilimali  fedha , rasilimali  watu .hivyo kwa awamu hiyo  ameeleza kuwa  wanaangazia hasa  sekta ya elimu  msingi  na kutoa wito kwa wananchi kuendelea kujitolea michango mbalimbali ili kufanikisha kulisongesha mbele gurudumu la maendeleo mashuleni.

Katika mikutano hiyo  wananchi  pia wamepata nafasi ya  kuhoji  na kuuliza maswali mbalimbali  kwa lengo la kujengewa uwezo zaidi  katika maswala ya ufuatiliaji na elimu hiyo ni endelevu katika vijiji vingine  ndani ya wilaya ya ulanga