CHANGAMOTO ZA MIUNDOMBINU YA MAJI

Imetumwa: November 7th, 2017

 Halmashauri ya wilaya ya ulanga mkoani morogoro kupitia idara ya maji imewaagiza viongozi wa jumuiya za watumiaji maji  kufika katika ofisi za idara ya maji kuchukua dawa aina ya krolini kwa ajili ya kutibu maji yanayo athiriwa na mvua zinazoendelea kunyesha katika maeneo mbalimbali.

Akizungumza na ulanga fm ofisini kwake mwandisi wa maji wa wilaya ya ulanga bwana David Kaijage amekiri kuhusu changamoto  hivyo wakazi wa ulanga wajitokeze kwa wingi kuchukua dawa hiyo ili kuepuka na magonjwa ya mlipuko ikiwemo homa ya matumbo{kipindupindu}.

Hata hivyo bwana Kaijage amesema hali ya upatikanaji wa  maji wilayani hapa bado imeendelea kusalia kuwa ni asilimia 59 ambapo wananchi wanalazimika kufuata maji hayo kwa umbali mrefu wa mita 400 huku serikali ikiahidi kuzishughulikia changamoto hizo.

Aidha  amebainisha changamoto zinazoikumba idara ya maji ni pamoja miundombinu ya maji kuharibika pamoja watumiaji wa maji kulipia kiasi kidogo ambacho akiendani na huduma inayotolewa.

mwisho.