Madiwani Wafungwa na Magereza

Imetumwa: August 2nd, 2017

Timu ya jeshi la Magereza  yaifunga  timu ya Waheshimiwa madiwani wa Halmashauri ya Wilaya ya Ulanga goli  moja kwa sifuri katika mchezo wa kirafiki uliofanyika hivi karibuni.

Goli hilo lilifungwa na Nurdin Mrope  aliyekwamisha wavuni  mpira  baada ya  kazi nzuri iliyosukwa na  Stamili Shaabani mnamo dakika ta 12 katika kipindi cha kwanza.

Timu ya madiwani ilijitahidi kuhakikisha wanarudisha goli hilo lakini washambuliaji wa  madiwani wakiongozwa na Mh.Madunda Mkalimoto walizuiliwa vilivyo na safu ya ulinzi ya timu ya Magereza ambayo ilitumia wachezaji chipukizi.

Kipindi cha pili kilikuwa kigumu zaidi kwa timu ya Madiwani  kwani isingekuwa ni juhudi binafsi za golikipa namba moja wa timu hiyo Mh. Michael Mahiringa aliyeokoa mikwaju kadhaa ya hatari langoni kwake.

Kocha wa timu ya Madiwani  Abdalah Mbumi  alifanya mabadiliko kadhaa kipindi cha pili kwa kuamua kumtoa Mh Novatus Majiji na nafasi yake kuchukuliwa na Mh.Msalam Mohamed Msalam lakini mabadiliko hayo hayakuzaa matunda yeyote.

Msambuliaji tegemezi wa Magereza  Nurdin Mrope ambaye ni mfungaji wa bao la kwanza alioneshwa kadi nyekundu dakika za majeruhi  baada ya kumchezea rafu mbaya  mchezaji wa timu ya Madiwani Hatibu Chitaunga .

Katika mchezo huo  timu ya Magereza imezawadiwa  ungo wa Azam Tv utakaowasaidia wafungwa kuangalia vipindi malimbali ikiwemo vipindi vya michezo ambapo mgeni rasmi wa mchezo huo alikuwa ni mwakilishi wa mkuu wa mkoa Ndugu Noel Kazimoto.

Mechi ya Wahesimiwa madiwani na jeshi la Magereza ulifanyika katika mji wa Mahenge ukiwa ni mchezo wa kudumisha mahusiano kati ya taasis hizi.